საქართველოს ყოფილი პრეზიდენტი მიხეილ სააკაშვილი განცხადებას ავრცელებს. მისი თქმით, მთავრობა მასთან „ევროკავშირის კონსილიუმს არ უშვებს“, ხოლო განცხადებები, თითქოს იგი უარს ამბობს ექიმებზე, ტყუილია.

• „განცხადება არ შემოსულა“ — ბრეგაძე სააკაშვილთან პოლონელი ექიმების დაშვებაზე

სააკაშვილი ასევე ამბობს, რომ ხელისუფლებას წლებიას სურს „მიაკრას მას მკვლელის იარლიყი, ოღონდ ვერაფრით ვერ ამბობენ, ვინ და სად მოკლა“ და ამატებს, რომ „ერთადერთი, ვინც მის დროს ქართულმა სახელმწიფო ძალებმა დახოცეს, იყვნენ რუსი ინტერვენტები, რომელთაც 2008 წელს გადმოკვეთეს ჩვენი საზღვარი. სწორედ ამათ ხოცვაზე საუბრობს ბოლომდე რუსი პრემიერი“.

მისივე თქმით, „გირგვლიანის საქმე იყო შეწყალებაზე მიბმის საქმე თავიდან ბოლომდე შეთითხნილი“.

სააკაშვილი აგრეთვე წერს: „მმართველობა დაიწყეს ჩემ [მიმართ] აბსურდული ბრალდებებით და ამთავრებენ იგივეთი“.

სააკაშვილისთვის ნორვეგიელი პოლიტიკოსის, შურ ლინდერბრექეს სახელობის პრიზის გადაცემის კომენტირებისას პრემიერ-მინისტრმა ირაკლი ღარიბაშვილმა თქვა, რომ „სააკაშვილმა ასობით ადამიანი, ახალგაზრდა ჩახოცა“:

• დეტალურად: დაახლოებით იგივეა, ბრეივიკს მისცენ – ღარიბაშვილი სააკაშვილისთვის ნორვეგიული პრიზის გადაცემაზე

ღარიბაშვილმა სააკაშვილი ნორვეგიელ ტერორისტ ანდერს ბრეივიკსაც შეადარა. ამას საქართველოში ნორვეგიის ელჩიც გამოეხმაურა:

• იხილეთ: „გაოგნებული ვარ ტერორისტ ბრეივიკთან შედარებით“ – ნორვეგიის ელჩი ღარიბაშვილის განცხადებაზე