“რუსეთში აკრედიტირებული ავღანეთის საელჩოს დელეგაცია სოხუმში ჩამოვიდა რეგიონული უსაფრთხოების, ავღანეთში ჰუმანიტარულ სიტუაციაზე და აფხაზეთთან თანამშრომლობის გაფართოების საკითხებზე სამსჯელოდ ” – ამის შესახებ ინფორმაციას აფხაზეთის დე ფაქტო საგარეო სამინისტრო ავრცელებს.
უწყების ცნობითვე, მხარეებს შორის დიალოგის გაფართოების მიზნით აფხაზეთის დელეგაცია ქაბულში ჩავა.
“თალიბანი”, რომელმაც 20-წლიანი ომის შემდეგ დაამხო დასავლეთის მიერ მხარდაჭერილი ხელისუფლება, ფორმალურად არცერთი ქვეყანა აღიარებს.
იმის მიუხედავად, რომ ავღანეთში “თალიბანის” ხელისუფლებას ოფიციალურად არც რუსეთი აღიარებს, რუსეთის საელჩო ჯერაც მოქმედებს ავღანეთის დედაქალაქში და პირიქით – ავღანეთის საელჩო რუსეთში.
ასევე, ავღანეთის ხელისუფლებაში მყოფმა “თალიბანმა” ხელი მოაწერა დროებით შეთანხმებას რუსეთთან, რომელიც ამ უკანასკნელისგან ბენზინის, დიზელის, გაზისა და ხორბლის ყიდვას ითვალისწინებს
