ახალი ამბები

ევროპაში “ოცნების” პარტნიორი პარტია სააკაშვილის უცხოეთში გადაყვანას ითხოვს

2 თებერვალი, 2023 • 729
ევროპაში “ოცნების” პარტნიორი პარტია სააკაშვილის უცხოეთში გადაყვანას ითხოვს

ევროპარლამენტში “სოციალისტებისა და დემოკრატების პროგრესული ალიანსი” საქართველოს ხელისუფლებას მოუწოდებს, მიხეილ სააკაშვილი უცხოეთში სამკურნალოდ გაუშვან.

სოციალისტებისა და დემოკრატების პროგრესული ალიანსის ჯგუფი არის ევროპარლამენტში „ქართული ოცნების“ პარტნიორი პოლიტიკური პარტია, ისეთივე როგორიც, მაგალითად, EPP-ია (ევროპის სახალხო პარტია) ნაციონალური მოძრაობისთვის.

“დღეს ევროპარლამენტის პლენარულ სხდომაზე გავიმეორეთ მოწოდება საქართველოს ხელისუფლებასადმი, რომ ჰუმანიტარული მიზნებიდან გამომდინარე მსჯავრდებულ, ყოფილ პრეზიდენტ მიხეილ სააკაშვილს საზღვარგარეთ მკურნალობის საშუალება მისცენ”, – ნათქვამია ევროპელი სოცდეკების განცხადებაში.

დღეს, 2 თებერვალს მიხეილ სააკაშვილის ჯანმრთელობის საკითხთან დაკავშირებით ევროპარლამენტში გადაუდებელი დებატები გაიმართა, სადაც სხვადასხვა პარტიის წარმომადგენელმა “ქართულ ოცნებას” მოუწოდა, ექსპრეზიდენტი უცხოეთის კლინიკაში გადაიყვანონ  ჰუმანიტარული მიზნებიდან გამომდინარე.

„ქართული ოცნების“ წარმომადგენლები ესწრებიან ევროპელი სოციალისტების კონგრესს, რომელიც 2022 წელს 14-15 ოქტომბერს ბერლინში გაიმართა

მასალების გადაბეჭდვის წესი