დიაბეტის მქონე ბავშვებისთვის ინსულინის პროგრამის გაუმჯებესების მოთხოვნით, დღეს, 2 თებერვალს,თბილისში, ჯანდაცვის სამინისტროსთან, საპროტესტო აქცია გაიმართა.
საპროტესტო აქციაზე მისული მშობლების ნაწილს სამინისტროში არ უშვებდნენ, რასაც დაპირისპირება მოჰყვა.
საბოლოოდ, მშობლები სამინისტროს ფოიეში შევიდნენ. ისინი ამბობენ, რომ ადგილს არ დატოვებენ, სანამ სამინისტროსგან კონკრეტული პასუხი არ ეცოდინებათ.
დიაბეტიანი ბავშვის მშობლების თქმით, რამდენიმე სახის პრობლემას აწყდებიან, მათ შორის, ინსულინისა და ნემსების სპეციალური თავების დეფიციტს და ა.შ.
პრობლემის შესახებ უფრო ვრცლად ნეტგაზეთი ამზადებს სტატიას, რომელიც დღის განმავლობაში გამოქვეყნდება.
