რუსეთის ტუროპერატორთა ასოციაციის ცნობით, რუსეთის მოქალაქეებისთვის 2023 წელს საზაფხულო ტურებს შორის აფხაზეთი ერთ-ერთი ლიდერი გახდა, რომელზე მოთხოვნაც შარშანდელთან შედარებით სამჯერ გაიზარდა.

ამასთან, როგორც ტურ-ასოციაციაში ამბობენ, აფხაზეთში მოგზაურობის გაზრდილმა მოთხოვნამ აფხაზეთის სასტუმროებსა და პანსიონატებში ადგილების დეფიციტის ზრდა გამოიწვია – სეზონზე აფხაზეთს მხოლოდ 1.5- 2 მილიონი ტურისტის მიღება შეუძლია.

“აფხაზეთის მაღალი პოპულარობა აიხსნება  კომფორტული ადგილმდებარეობით, გეოპოლიტიკური სტაბილურობით, ხანგძლივი საზღვაო სეზონით და ტურების ფასებით”, – აცხადებენ რუსეთის ტურისტულ კომპანიაში.

აფხაზეთში რუსებისთვის ყველაზე პოპულარული მიმართულებებად კი გაგრა და ბიჭვინთა დასახელდა.