ახალი ამბები

“ქართულ-ბასკური მეგობრობის გაღრმავებისთვის” – კობახიძე ბილბაოში დააჯილდოვეს

29 იანვარი, 2023 • 968
“ქართულ-ბასკური მეგობრობის გაღრმავებისთვის” – კობახიძე ბილბაოში დააჯილდოვეს

„ქართული ოცნების“ თავმჯდომარეს, ირაკლი კობახიძეს ბილბაოში საბინო არანას ფონდის უმაღლესი ჯილდო გადაეცა. ინფორმაციას ამის შესახებ “ქართული ოცნება” ავრცელებს.

მმართველი პარტიის ცნობით, “ოცნების”თავმჯდომარეს ჯილდო “ქართულ-ბასკური მეგობრობის გაღრმავებისთვის, დემოკრატიისა და ადამიანის უფლებების დაცვისთვის მიანიჭეს”. ღონისძიება ბილბაოს თეატრში ბასკეთის მმართველი პარტიის ორგანიზებით შედგა.

ღონისძიების მონაწილეებს სიტყვით მიმართა ირაკლი კობახიძემ

„უპირველეს ყოვლისა, მინდა გულწრფელი მადლობა გადავუხადო საბინო არანას ფონდს ჯილდოსთვის. ჩემთვის დიდი პატივია იმ ადამიანად ყოფნა, ვინც ერთგულია ბასკებთან და ბასკეთთან მეგობრობის.
მე წარმოვადგენ პატარა, მაგრამ ძალიან ამაყ ქვეყანას – საქართველოს. ჩემს ერს საუკუნეების განმავლობაში მოუწია ბრძოლა თავისი იდენტობის, მიწის, რელიგიისა და ენის დასაცავად. ამიტომ ჩვენ, ქართველები განსაკუთრებულად ვაფასებთ პატრიოტიზმს და სამშობლოს ერთგულ ადამიანებს. შესაბამისად, მე განსაკუთრებით ვამაყობ ჯილდოს მიღებით, რომელიც დიდი პატრიოტის – საბინო არანას სახელს ატარებს”, – განაცხადა ირაკლი კობახიძემ.

მასალების გადაბეჭდვის წესი