დილიდან რუსეთი უკრაინას კვლავ ბომბავს, მათ შორის, კიევის ოლქს. უკრაინის პრეზიდენტის ოფისის ხელმძღვანელის მრჩეველი აცხადებს, რომ უკრაინას, სულ მცირე, 120 რაკეტა ესროლეს.
„120-ზე მეტი რაკეტა გვესროლა ბოროტმა რუსულმა სამყარომ, რათა მას გაენადგურებინა ინფრასტრუქტურა და მასობრივად დაეხოცა მშვიდობიანი მოქალაქეები“, – წერს პოდოლიაკი.
29.12.22. 120+ missiles over ?? launched by the “evil Russian world” to destroy critical infrastructure & kill civilians en masse. We’re waiting for further proposals from “peacekeepers” about “peaceful settlement”, “security guarantees for RF” & undesirability of provocations.
— Михайло Подоляк (@Podolyak_M) December 29, 2022
რაც შეეხება დაშავებულებს, კიევის მერის, ვიტალი კლიჩკოს ინფორმაციით, ამ დროისთვის ცნობილია 3 დაშავებულის შესახებ, მათ შორის, 14 წლის გოგოზე. როგორც კლიჩკო ტელეგრამზე წერს, კიევის საჰაერო თავდაცვის სისტემამ 16 რაკეტა ჩამოაგდო.
