ყარაბაღელთა საპროტესტო მარში რუსი სამშვიდობოების ბლოკპოსტამდე - ფოტორეპორტაჟი - Netgazeti • მთიანი ყარაბაღი • Netgazeti.ge

ავტორი: მარუტ ვანიანი სტეპანაკერტიდან

ყარაბაღიდან რუსი სამშვიდობოების ბლოკპოსტამდე აქტივისტებმა და მედიის წარმომდგენლებმა დაახლოებით, 10 კილომეტრიან მანძილზე მარში მოაწყვეს აზერბაიჯანული მხარის მიერ დაკეტილი ლაჩნის კოროდორის გახსნის მოთხოვნით. რუსმა სამხედროებმა მოსახლეობას განუცხადეს, რომ აზერბაიჯანული მხარე რამდენიმე დღეში გახსნის გზას.

ყარაბაღელმა აქტივისტებმა რუსი სამშვიდობო ჯარისგან მოითხოვეს, რუსეთის მიერ 2020 9 ნოემბრის შეთანხმებით აღებული ვალდებულებების შესრულება და ერთადერთი გზის გახსნა, რომელიც ყარაბაღს სომხეთთან აკავშირებს.

გზა აზერბაიჯანის მოქალაქეებმა 12 დეკემბერს ჩაკეტეს. ოფიციალურად მიზეზად კი ყარაბაღში საბადოებზე აზერბაიჯანული მხარის წვდომაზე შეზღუდვა და ყარაბაღში ეკოლოგიური პრობლემები დაასახელეს. თუმცა სომხური მხარე და ყარაბაღის სომეხი მოსახლეობა დარწმუნებულია, რომ აზერბაიჯანის მიზანი ყარაბაღელების იზოლაცია, მათთვის ჰუმანიტარული კრიზისის შექმნა და ეთნიკური წმენდაა.

ჩაკეტილი გზის გახსნის მოთხოვნით, დღეს სტეპანაკერტში მორიგი საპროტესტო აქცია არის დაგეგმილი.

ლაჩინის კორიდორი სომხეთის რესპუბლიკას აკავშირებს ყოფილი მთიანი ყარაბაღის ავტონომიურ ოლქთან. 2020 წლის 9 ნოემბრის სამმხრივი შეთანხმების მიხედვით, რომელიც ყარაბაღში 27 სექტემბერს დაწყებული 45- დღიანი ომის შემდეგ მოსკოვის შუამდგომლობით გაფორმდა სომხეთსა და აზერბაიჯანს შორის, კონფლიქტის ზონაში რუსი მშვიდობისმყოფელები განთავსდნენ, რომლებიც აკონტროლებდნენ ლაჩინის კორიდორს.