ახალი ამბები

რაჭაში მკვლელობის საქმეზე ერთი ადამიანი დააკავეს

4 დეკემბერი, 2022 • 541
რაჭაში მკვლელობის საქმეზე ერთი ადამიანი დააკავეს

შინაგან საქმეთა სამინისტრომ რაჭაში მომხდარი მკვლელობის საქმეზე 1987 წელს დაბადებული გ.ს. დააკავა.

გამოძიების ინფორმაციით, ბრალდებულმა ამბროლაურის მუნიციპალიტეტში მდებარე ტყეში, ურთიერთშელაპარაკების ნიადაგზე, ცივი იარაღის გამოყენებით, სხეულზე რამდენიმე ჭრილობა მიაყენა თანასოფლელს — 1960 წელს დაბადებულ ო.გ.-ს და მიიმალა. 62 წლის კაცი ადგილზე გარდაიცვალა.

სამართალდამცველებმა ბრალდებული რაჭაში, სოფელ ჭრებალოში დააკავეს. განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 10-დან 15-წლამდე ვადით თავისუფლების აღკვეთას ითვალისწინებს.

მასალების გადაბეჭდვის წესი