კვლევითი ორგანიზაცია TBC Capital-ის ცნობით, 2022 წლის აგვისტოში თბილისში გასაქირავებელი ბინის ფასი 79%-ით მეტი იყო, ვიდრე 2021 წლის აგვისტოში, 2022 წლის ივლისთან შედარებით კი 8%-ით გაიზარდა. გაზრდილია გაყიდვების რაოდენობაც და ფასიც.
TBC Capital-ის თანახმადვე, წლიური 79.2%-იანი ზრდის შედეგად, ერთი კვადრატული მეტრის ქირაობა 8.9$ ღირს.
ეს ნიშნავს, რომ აგვისტოში 40 კვ.მ ფართობის ბინის ქირაობა თბილისის მასშტაბით საშუალოდ ყოველთვიურად 356 დოლარი ჯდებოდა.
აგვისტოში გაიყიდა 737 ახალაშენებული ბინა, რაც 18%-ით მეტი იყო გასული წლის იმავე პერიოდზე. ხოლო 2022 წლის ივლისთან შედარებით ეს იყო 39.6%-იანი ზრდა.
ამასთან, ბინის [ყიდვის] ფასებიც მომატებულია – წლიურად 32.1%-ით, თვიურად კი – 19%-ით.
ახალაშენებულ ბინებში ერთი კვადრატული მეტრის ფასმა 1221 აშშ დოლარი შეადგინა.