ახალი ამბებიეკონომიკა

საზ.მაუწყებელი უძრავ ქონებას აუქციონზე კვლავ ყიდის, საწყისი ფასი გაიაფდა

1 სექტემბერი, 2022 • 2867
საზ.მაუწყებელი უძრავ ქონებას აუქციონზე კვლავ ყიდის, საწყისი ფასი გაიაფდა

საზოგადოებრივი მაუწყებელი მის საკუთრებაში არსებულ უძრავ ქონებას აუქციონზე კვლავ ყიდის, საწყისი ფასი კი 65 მილიონი ლარია. ამის შესახებ ინფორმაცია ტელეკომპანიამ დღეს, 1 სექტემბერს გაავრცელა.

არხის ცნობით, აუქციონზე გატანილია 33 209 კვადრატული მეტრი მიწის ნაკვეთი და 23 649 კვადრატული მეტრი შენობა-ნაგებობა. აუქციონში მონაწილეობა კი დაინტერესებულ მხარეებს მიმდინარე წლის 30 სექტემბრის ჩათვლით, 12:00 საათამდე შეეძლებათ.

თავდაპირველად ტელეკომპანია კოსტავას 68-ში მდებარე შენობის გაყიდვას 40 მლნ აშშ დოლარად ცდილობდა. მას შემდეგ, რაც მყიდველი არ გამოჩნდა, მაუწყებელმა ქონება რამდენჯერმე გააიაფა:

  • პირველი აუქციონი 40 მლნ დოლარის (ეკვივალენტი ლარში) საწყისი ღირებულებით 2020 წლის 16 ივნისს 1-თვიანი ვადით გამოცხადდა, თუმცა დაინტერესებული მხარე არ აღმოჩნდა და აუქციონი არ შედგა;
  • საზოგადოებრივი მაუწყებლის მენეჯმენტმა განმეორებით აუქციონზე ქონება 10%-იანი ფასდაკლებით, 36 მლნ დოლარად გამოიტანა, მაგრამ აუქციონი კვლავ არ შედგა;
  • უძრავი ქონება ფასდაკლების მორიგი 10%-იანი ბიჯით, 32.4 მლნ დოლარად მესამედ იქნა გამოტანილი აუქციონზე
  • შემდეგ კი 24 მლნ დოლარად გაიტანეს შენობა აუქციონზე, თუმცა მყიდველი არც ამჯერად გამოჩნდა;

ამჯერად ტელეკომპანიის საკუთრებაში არსებული უძრავი ქონების საწყისი ფასი დაახლოებით 22.5 მილიონი აშშ დოლარს უტოლდება.

მასალების გადაბეჭდვის წესი