რუსეთის მიერ დანიშნულმა ოკუპირებული ხერსონის ლიდერის მოადგილემ კირილ სტრემოუსოვმა ქალაქი დატოვა და მუშაობას რუსეთიდან აგრძელებს. ამის შესახებ ინფორმაციას BBC ავრცელებს.
როგორც BBC წერს, კირილ სტრემოუსოვის ბოლო დღეების ვიდეომიმართვები, რომლებიც მის Telegram-ის ანგარიშზე გამოქვეყნდა, ვორონეჟის სასტუმრო „მარიოტშია“ ჩაწერილი.
მათივე განმარტებით, იმას, რომ სტრემოუსოვი ვორონეჟში იმყოფება, მის მიერ გადაღებულ ვიდეოებში ვორონეჟში მდებარე ხუთგუმბათიანი ხარების ტაძრისა და რამდენიმე შენობის ფონიც მოწმობს.
თუმცა BBC-მ ვერ შეძლო გაერკვია, თუ რატომ ან როდის დატოვა მან ხერსონი, შეუძლია დაადასტუროს, რომ კირილ სტრემოუსოვი დასავლეთ რუსეთის ქალაქში იმყოფება.
ვორონეჟი უკრაინის საზღვრიდან დაახლოებით 200 კილომეტრით დაშორებული ქალაქია და თავად ხერსონიდან 700 კილომეტრზე მეტია.
