უკრაინაში, ზაპოროჟიის დასახლება მიხაილივკაში მკვდარი იპოვეს რუს ოკუპანტებთან კოლაბორანტი, რომელიც ადგილზე “პოლიციის უფროსად” მუშაობდა. ამის შესახებ ცნობას უკრაინული მედია ავრცელებს ზაპოროჟიის სახმედრო ადმინისტრაციაზე დაყრდნობით.
მიხაილივკა ამჟამად რუსეთის მიერ არის ოკუპირებული.
ანდრიი რიჟკოვი წარსულში უკრაინელი მესაზღვრე იყო. რუსეთის შეჭრის შემდეგ კი ოკუპანტებთან დაიწყო თანამშრომლობა.
რიჟკოვი პირველი კოლაბორატორი არ არის ვინც ბოლო პერიოდში დაიღუპა.
24 აგვისტოს მიხაილივკაში კოლაბორანტი ივან სუშკო მანქანაში ააფეთქეს.
25 აგვისტოს ბერდიანსკში მოკლეს ოლექსანდ კოლესნიკოვი. ის საგზაო პოლიციის უფროსის მოადგილედ მუშაობდა რუსების ოკუპაციის პირობებში.
23 აგვისტოს ხერსოში ააფეთქეს იჰორ ტელეჰინი, ადგილობრივი კოლაბორანტი, თუმცა ის გადარჩა.
