დღეს, 7 აგვისტოს, 2008 წლის ომის დაწყებიდან 14 წლის თავზე თბილისში აქცია გაიმართა. მოქალაქეები თავისუფლების მოედანზე, წმინდა გიორგის ძეგლის ირგვლივ შეირკიბნენ და კიდევ ერთხელ გააპროტესტეს რუსული ოკუპაცია.
ნეტგაზეთი გთავაზობთ ფოტორეპორტაჟს აქციიდან „14 წელი რუსეთთან ომიდან“.
წელს 14 წელიწადი გავიდა 2008 წლის სამხედრო კონფლიქტის დაწყებიდან, რომელიც „აგვისტოს ომის“ სახელით მოიხსენიებენ. ომი 5 დღე გაგრძელდა, რის შემდეგაც საქართველომ დაკარგა კონტროლი კოდორის ხეობასა და ახალგორის რაიონზე.
ოფიციალური ინფორმაციით, 2008 წლის აგვისტოში საქართველოში რუსეთის შეჭრის შედეგად დაღუპულია საქართველოს თავდაცვის სამინისტროს 169 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი.