ახალი ამბები

48 ოპოზიციონერი დეპუტატი აშშ-ის და EU-ს წინააღმდეგ „ოცნების“ კამპანიას ერთობლივი განცხადებით გმობს

4 აგვისტო, 2022 • 1259
48 ოპოზიციონერი დეპუტატი აშშ-ის და EU-ს წინააღმდეგ „ოცნების“ კამპანიას ერთობლივი განცხადებით გმობს

საქართველოს საპარლამენტო ოპოზიციის წევრები ერთობლივ განცხადებას ავრცელებენ და საქართველოს უმთავრესი სტრატეგიული პარტნიორების – აშშ-ისა და ევროკავშირის წინააღმდეგ „ქართული ოცნების“ კამპანიას გმობენ.

განცხადებას ხელს აწერს საპარალამენტო ოპოზიციიდან 48 დეპუტატი, გარდა „მოქალაქეების“, „გირჩის“ და „ევროპელი სოციალისტების“ წევრებისა.

საპარლამენტო ოპოზიციის განცხადებაში აღნიშნულია, რომ „ქართული ოცნების“ ხელისუფლება ქვეყნის მთავარი სტრატეგიული პარტნიორების წინააღმდეგ ცილისმწამებლურ და დეზინფორმაციულ კამპანიას აწარმოებს, რასაც ოპოზიციის წევრები ემიჯნებიან.

მათი თქმით, აშშ-ს და ევროკავშირს უდიდესი დამსახურება აქვთ საქართველოს სახელმწიფოებრიობის შენარჩუნებაში 1991 წლის 9 აპრილს დამოუკიდებლობის აღდგენიდან დღემდე და აღიარებენ მათ უდიდეს დახმარებას ქვეყნის განვითარებასა და ხალხის სწრაფვაში, გახდეს დასავლური ცივილიზაციის სრულფასოვანი წარმომადგენელი.

ამასთან, ოპოზიციის წევრები ხაზს უსვამენ, რომ ქართველი ხალხის მყარად გამოხატულ ნება – უზრუნველყოფილი იქნას საქართველოს სრული ინტეგრაცია ევროპის კავშირსა და ჩრდილოატლანტიკური ხელშეკრულების ორგანიზაციაში, საქართველოს კონსტიტუციაშია ასახული.

„ვემიჯნებით და ვგმობთ „ქართული ოცნების’ ხელისუფლების ცილისმწამებლურ და დეზინფორმაციულ კამპანიას დასავლური ინტეგრაციის გზაზე საქართველოს უმთავრესი სტრატეგიული პარტნიორების – ამერიკის შეერთებული შტატებისა და ევროკავშირის წინააღმდეგ.

აღნიშნული განსაკუთრებით მკაფიოდ გამოიკვეთა „ქართული ოცნების“ უმაღლესი პარტიული და სახელმწიფო პოლიტიკური თანამდებობის პირების, ასევე „ქართული ოცნებიდან“ ფორმალურად გასულ, მაგრამ რეალურად ამ პოლიტიკური ძალის ორგანულ ნაწილად დარჩენილ, საქართველოს პარლამენტისა თუ ადგილობრივი თვითმართველობის ორგანოთა წევრების მხრიდან საქართველოში შეერთებული შტატებისა და ევროკავშირის ელჩების მიმართ განხორციელებულ ცილისმწამებლურ თავდასხმებში – თითქოს ისინი საქართველოს ომში ჩართვას ცდილობდნენ რუსეთის წინააღმდეგ და რადგან ამ მიზანს ვერ მიაღწიეს, თითქოს მათ ხელი არ შეუწყვეს საქართველოსათვის ევროპის კავშირის წევრობის კანდიდატი ქვეყნის სტატუსის მონიჭებას“, – ნათქვამია ოპოზიციის განცხადებაში.

ოპოზიციის განცხადებით, განსაკუთრებით საგანგაშოა ის, რომ „ქართული ოცნების“ ამ პოლიტიკურ კამპანიაში სასამართლო კორპუსის გარკვეული წარმომადგენლებიც არიან ჩართული.

„ბიძინა ივანიშვილის 2022 წლის 27 ივლისს გამოქვეყნებული წერილი, რომლითაც ის ადასტურებს აშშ-ის ელჩის, ქალბატონ კელი დეგნანის ინიციატივით 2022 წლის 21 მარტს მათ შეხვედრას, მაგრამ არაფერს ამბობს ამ შეხვედრის დროს გამართული საუბრის შინაარსზე, შეფარვით ამყარებს „ქართული ოცნების“ ზემოხსენებულ მესიჯს, თითქოს დასავლეთს საქართველოს „ომში ჩათრევა“ სურს. აღნიშნული მიუთითებს ბიძინა ივანიშვილის კავშირზე „ქართული ოცნების“ ამ ანტისახელმწიფოებრივ კამპანიასთან“, – ნათქვამია ოპოზიციის განცხადებაში.

ოპოზიციის განცხადებით, მმართველი პოლიტიკური ძალის ამგვარი მოქმედება ემსახურება ევროპის კავშირსა და ნატოში საქართველოს ინტეგრირებისათვის ხელის შეშლის მიზანს, მაშინ როდესაც ამგვარი ინტეგრირების უზრუნველყოფა, საქართველოს კონსტიტუციის 78-ე მუხლის თანახმად, საქართველოს კონსტიტუციური ორგანოების და ე.ი. „ქართული ოცნების“ ხელისუფლების ვალდებულებას წარმოადგენს.

მათი თქმით, მმართველი ძალის ამგვარი მოქმედება ეწინააღმდეგება საქართველოს ეროვნულ, სახელმწიფოებრივ ინტერესებს და მიმართულია დასავლელი მოკავშირეებისა და პარტნიორებისაგან საქართველოს დაშორებისა და ოკუპანტი სახელმწიფოს პირისპირ მისი მარტოდ დატოვებისაკენ. რაც ოპოზიციის თქმით, მხოლოდ ამ ოკუპანტი სახელმწიფოს – რუსეთის ფედერაციის ინტერესებში შედის.

„მიუხედავად ზემოხსენებული ელჩების არაერთი საჯარო განცხადებისა, რომ შეერთებულ შტატებს და ევროკავშირს არ სურთ და არც არასდროს სურვებიათ რუსეთის წინააღმდეგ საქართველოს ომში ჩართვა და ამგვარი გამონათქვამები სიმართლეს არ შეესაბამება, „ქართული ოცნება“ მაინც ჯიუტად აგრძელებს სიცრუის ტირაჟირებას.
მივმართავთ „ქართული ოცნებას“, დაუყოვნებლივ შეწყვიტოს საქართველოს სტრატეგიული პარტნიორების – შეერთებული შტატებისა და ევროკავშირის წინააღმდეგ წარმოებული, ზემოხსენებული ცილისმწამებლური და დეზინფორმაციული კამპანია.

სრულ მხარდაჭერას ვუცხადებთ საქართველოში აშშ-ის ელჩს, ქალბატონ კელი დეგნანს და ევროკავშირის ყოფილ ელჩს, ბატონ კარლ ჰარცელს. ვაფასებთ მათი მხრიდან დასავლური ინტეგრაციის გზაზე საქართველოს დასახმარებლად გაწეულ შრომასა და ძალისხმევას“, – ნათქვამია საპარალამენტო ოპოზიციის განცხადებაში.

განცხადებას ხელს აწერენ შემდეგი დეპუტატები:

1. არმაზ ახვლედიანი – საქართველოს პარლამენტის წევრი (დამოუკიდებელი დეპუტატი)
2. თეონა აქუბარდია – საქართველოს პარლამენტის წევრი ( პოლიტიკური პარტია „სტრატეგია აღმაშენებელი’’)
3. დავით ბაქრაძე – საქართველოს პარლამენტის წევრი (დამოუკიდებელი დეპუტატი)
4. ანა ბუჩუკური – საქართველოს პარლამენტის წევრი (პოლიტიკური პარტია „საქართველოსთვის’’)
5. ლევან ბეჟაშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
6. თინათინ ბოკუჩავა – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
7. გიორგი ბოტკოველი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
8. გიორგი გოდაბრელიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
9. რომან გოცირიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
10. მიხეილ დაუშვილი – საქართველოს პარლამენტის წევრი (პოლიტიკური პარტია „საქართველოსთვის’’)
11. ხატია დეკანოიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
12. ლევან ვარშალომიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
13. გიორგი ვაშაძე – საქართველოს პარლამენტის წევრი ( პოლიტიკური პარტია „სტრატეგია აღმაშენებელი’’)
14. აბდულა ისმაილოვი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
15. შალვა კერესელიძე – საქართველოს პარლამენტის წევრი (პოლიტიკური პარტია „საქართველოსთვის’’)
16. მანუჩარ კვირკელია – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
17. ვახტანგ კიკაბიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
18. დავით კირკიტაძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
19. თამარ კორძაია – საქართველოს პარლამენტის წევრი (დამოუკიდებელი დეპუტატი)
20. ბექა ლილუაშვილი – საქართველოს პარლამენტის წევრი (პოლიტიკური პარტია „საქართველოსთვის’’)
21. ნონა მამულაშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
22. პაატა მანჯგალაძე – საქართველოს პარლამენტის წევრი (პოლიტიკური პარტია „სტრატეგია აღმაშენებელი’’)
23. ნიკა მაჭუტაძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
24. აკაკი მინაშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
25. ალექსანდრე მოწერელია – საქართველოს პარლამენტის წევრი (პოლიტიკური პარტია „საქართველოსთვის’’)
26. ტარიელ ნაკაიძე – საქართველოს პარლამენტის წევრი (დამოუკიდებელი დეპუტატი)
27. ანა ნაცვლიშვილი – საქართველოს პარლამენტის წევრი ( პოლიტიკური პარტია ,,ლელო საქართველოსთვის’’)
28. კობა ნაყოფია- საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
29. რამაზ ნიკოლაიშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
30. კახაბერ ოქრიაშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
31. სალომე სამადაშვილი – საქართველოს პარლამენტის წევრი ( პოლიტიკური პარტია ,,ლელო საქართველოსთვის’’)
32. ხათუნა სამნიძე – საქართველოს პარლამენტის წევრი (პოლიტიკური პარტია ,,რესპუბლიკელები“)
33. გუბაზ სანიკიძე- საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ -გაერთიანებული ოპოზიცია ,,ძალა ერთობაშია“)
34. სულხან სიბაშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ -გაერთიანებული ოპოზიცია ,,ძალა ერთობაშია“)
35. დავით უსუფაშვილი – საქართველოს პარლამენტის წევრი ( პოლიტიკური პარტია ,,ლელო საქართველოსთვის’’)
36. ბაჩუკი ქარდავა – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ -გაერთიანებული ოპოზიცია ,,ძალა ერთობაშია“)
37. შალვა შავგულიძე – საქართველოს პარლამენტის წევრი (დამოუკიდებელი დეპუტატი)
38. თამარ ჩარკვიანი – საქართველოს პარლამენტის წევრი (პოლიტიკური პარტია „კანონი და სამართალი’’)
39. ცეზარი ჩოჩელი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
40. ნატო ჩხეიძე- საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
41. როსტომ ჩხეიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
42. ანა წითლიძე- საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
43. დავით ხაჯიშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
44. ლევან ხაბეიშვილი – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
45. ეკატერინე ხერხეულიძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
46. გიორგი ხოჯევანიშვილი – საქართველოს პარლამენტის წევრი (პოლიტიკური პარტია „საქართველოსთვის’’)
47. დევი ჭანკოტაძე – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)
48. თეიმურაზ ჯანაშია – საქართველოს პარლამენტის წევრი (საპარლამენტო ფრაქცია „ერთიანი ნაციონალური მოძრაობა’’ – გაერთიანებული ოპოზიცია ,,ძალა ერთობაშია“)

მასალების გადაბეჭდვის წესი