პრეზიდენტის ადმინისტრაცია აქვეყნებს ცენტრალური საარჩევნო კომისიის თავმჯდომარეობისა და წევრობის კანდიდატთა სიას.
საქართველოს ცენტრალური საარჩევნო კომისიის თავმჯდომარის პოსტზე 5 კანდიდატია წარდგენილი:
რევაზ ეგაძე — ცენტრალური საარჩევნო კომისიის სწავლების პროცესის მონიტორინგის ჯგუფის ხელმძღვანელი, გარდაბნის მერის მოადგილე 2017-20 წლებში;
გიორგი კალანდარიშვილი — ცესკოს მოქმედი თავმჯდომარე. 2008 წლიდან მუშაობს ცენტრალურ საარჩევნო კომისიაში სხვადასხვა თანამდებობებზე. პარლამენტის წევრთა 2/3-ის მხარდაჭერის არქონის გამო, 2021 წლის 3 აგვისტოდან მეორედ იკავებს ცესკოს თავმჯდომარის თანამდებობას 6-თვიანი ვადით;
გიორგი შაიშმელაშვილი — დაამთავრა საქართველოს ტექნიკური უნივერსიტეტის ენერგეტიკის და ტელეკომუნიკაციის ფაკულტეტი. არის საქართველოს ახალგაზრდა ენერგეტიკოსთა ასოციაციის დამფუძნებელი;
ნანული ბებია — პედაგოგი. სხვადასხვა დროს პედაგოგიურ საქმიანობას ეწეოდა სოხუმში, თბილისსა და მოსკოვში;
თამარ ალფაიძე — სამართლის დოქტორი, პროფესორი. არის ავტორი სახელმძღვანელოების: „მედია და სამართალი“ და „შესავალი სამართალმცოდნეობაში“.
საქართველოს ცენტრალური საარჩევნო კომისიის წევრობის კანდიდატები არიან:
- ქრისტინე ქაჯაია
- სიმონ პარუნაშვილი
- ლევან ისაკაძე
- თამაზ ფოლადაშვილი
- მაია ზარიძე
- გია ცაცაშვილი
- რუსუდან ქურდიანი
ცესკოს თავმჯდომარეს და ორ წევრს უფლებამოსილების 6-თვიანი ვადა მიმდინარე წლის აგვისტოში ეწურებათ.
პრეზიდენტმა კანდიდატთა შესარჩევი კონკურსი 13 ივლისს გამოაცხადა. დაინტერესებულ პირებს საბუთების წარდგენა 26 ივლისის ჩათვლით შეეძლოთ.