აშშ-ის ცენტრალური სარდლობის განხცადებით, სირიაში აშშ-ის ძალების საჰაერო თავდასხმის შედეგად მოკლულია ე.წ. ისლამური სახელმწიფოს (ISIS) ერთ-ერთი ლიდერი მაჰერ ალ-აგალი.
მათივე განცხადებით, მაჰერ ალ-აგალი პასუხისმგებელი იყო ისლამური სახელმწიფოს ქსელების განვითარებაზე სირიისა და ერაყის გარეთ. აშშ-ის ოფიციალური პირების თქმით, ალ-აგალი ერაყსა და სირიაში ISIS-ის ლიდერთა ხუთეულში შედიოდა.
მათივე ცნობით, საჰაერო თავდასხმის შედეგად მძიმედ დაშავდა მაჰერ ალ-აგალის თანაშემწე.
როგორც აშშ-ის ცენტრალური სარდლობის წარმომადგენელი აცხადებს, ISIS საფრთხეს უქმნის რეგიონში აშშ-ს და მის პარტნიორებს და ISIS-ის ამ ლიდერების ჩამოშორება შეაფერხებს ტერორისტული ორგანიზაციის მიერ გლობალური თავდასხმების მომზადებასა და განხორციელებას.
