ნეტგაზეთი | ნიკო გომელაური გარდაიცვალა ნიკო გომელაური გარდაიცვალა – Netgazeti
RU | GE  

ნიკო გომელაური გარდაიცვალა

გამთენიისას ცნობილი მსახიობი და პოეტი ნიკო გომელაური გარდაიცვალა. მას  გუშინ საღამოს  ნინო ქათამაძესთან ერთად ფონდ ”იავნანას” ინიციატივით გამართულ საქველმოქმედო კონცერტში უნდა მიეღო მონაწილეობა.

გამთენიისას ცნობილი მსახიობი და პოეტი ნიკო გომელაური გარდაიცვალა.

პოეტს გუშინ საღამოს  ნინო ქათამაძესთან ერთად ფონდ ”იავნანას” ინიციატივით გამართულ საქველმოქმედო კონცერტში უნდა მიეღო მონაწილეობა. თუმცა კონცერტზე მისულ საზოგადოებას განუცხადეს, რომ პოეტი ავადმყოფობის გამო ვერ მიიღებდა მონაწილეობას. პოეტის მაგივრად მისი ლექსები მეგობრებმა, ზურაბ ყიფშიძემ, რატი ამაღლობელმა და  კოტე ყუბანეიშვილმა წაიკითხეს.

კონცერტის ბოლოს სწორედ ნიკო გომელაურის და ნინო ქათამაძის სახელით ,სამ მრავალშვილიან ოჯახს „თბილი სახლი“ გადაეცა. ფრაზა „ მე მინდა მქონდეს თბილი სახლი“ –სწორედ ნიკო გომელაურს ეკუთვნის. 

გუშინ ”იავნანამ” ტრადიციულად ერთგული მხარდამჭერებიც დააჯილდოვა. „ოქროს რაში“ ბიზნესმენ ანზორ ქოქოლაძეს, ნინო ქათამაძეს, ნიკა მემანიშვილს და ნიკო გომელაურს გადაეცათ.

ნეტგაზეთის მასალების სხვა გამოცემებში გადაბეჭდვის წესი
ნია ქურთიშვილი