ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს პრემიერ-მინისტრის, ირაკლი ღარიბაშვილის აზრით, საქართველოში სტაბილურია როგორც პოლიტიკური, ისე ეკონომიკური გარემო. აღნიშნულის შესახებ მან ბრატისლავაში, გლობალური უსაფრთხოების ფორუმზე (GLOBSEC) ისაუბრა.

საქართველოში შიდა პოლარიზაციაზე ღარიბაშვილს “ამერიკის ხმის” ჟურნალისტმა ჰკითხა, რაზეც პრემიერ-მინისტრისგან ასეთი პასუხი მიიღო:

“პოლარიზაცია ყველგანაა, ყველა ქვეყანაში. საქართველოს პოლიტიკა სავსეა ემოციებით. ჩვენ ვცდილობთ პოლარიზაციის დეესკალაციას, მის შემცირებას და, ვფიქრობ, დღეს გვაქვს საკმაოდ სტაბილური პოლიტიკური გარემო, [გვაქვს] პოლიტიკური სტაბილურობა, ეკონომიკური სტაბილურობა. გვაქვს ძალიან კარგი ეკონომიკური ზრდა, გასულ წელს გვქონდა 10.4%-იანი ეკონომიკური ზრდა, ამ წლის პირველ კვარტალში — 14.4%”.

ღარიბაშვილის სიტყვებით, “ოპოზიცია ყველგანაა, ოპოზიციის საქმე მთავრობის კრიტიკაა და ეს სავსებით ნორმალურია”.

“პარლამენტში ბევრი ოპოზიციური პარტია გვაქვს, 9 პარტიაა პარლამენტში. გვაქვს ბევრი ოპოზიციური ტელეარხი. მედიაგარემო, ასე ვთქვათ, ძალიან დივერსიფიცირებულია”, — დასძინა მან.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.