ახალი ამბები

„ერეკლე II-ის დასაცავად“ აქციაზე გამოსვლის შემდეგ გულიაშვილი „ფორმულას“ ტოვებს

28 მაისი, 2022 • 5290
„ერეკლე II-ის დასაცავად“ აქციაზე გამოსვლის შემდეგ გულიაშვილი „ფორმულას“ ტოვებს

მსახიობი, კომიკოსი პაატა გულიაშვილი, რომელიც დღეს თელავში „ერეკლე II-ის დასაცავ“ აქციაში მონაწილეობდა, აცხადებს, რომ ტელეკომპანია „ფორმულა“ დატოვა.

„ძალიან დიდი მადლობა კომედი ჯგუფის ბიჭებს, საქმის გამკეთებლებს და ნიჭიერ ხალხს…. არ ღირს ჩემს გამო ვინმემ უხერხულად იგრძნოს თავი….. მე წავედი“, – დაწერა გულიაშვილმა ფეისბუკზე.

პოსტის კომენტარებში იგი აზუსტებს, რომ ტელეკომპანია „ფორმულას“ არ გაუთავისუფლებია და თავად მიიღო გადაწყვეტილება წამოსვლის შესახებ.

„რაც შეეხება ერეკლე მეფეს, მასზე ცუდის მთქმელის მაგინებელი ვიყავი, ვარ და ვიქნები“, – წერს იგი.

თელავში, ერეკლე II-ის სახლ-მუზეუმთან აქცია გაიმართა „ერეკლე II-ის დასაცავად“ – ლევან ბერძენიშვილისგან.

… „ენა უნდა დაიმოკლოს. გაუჭირდება, მაგრამ უნდა დაიმოკლოს, სანამ მეფეს ახსენებს. დიდება მეფეს და ჭკვიანად იყვნენ, სანამ კარგად ვლაპარაკობთ კახელები, და თელაველები განსაკუთრებით“, – განაცხადა აქციაზე პაატა გულიაშვილმა.

„ტელეიმედის“ ცნობით, „მშვიდობიან“ აქციაზე მივიდნენ „ცნობილი სახეები და საჯარო მოხელეები“, რომლებმაც განაცხადეს: „ერეკლე ჩვენი სიამაყეა, ჩვენ მეფეს ვიცავთ და ისტორიას, რომლის დამახინჯების მცდელობა ეროვნული დანაშაულია“.

ვრცლად ამ თემაზე:

მასალების გადაბეჭდვის წესი