აზოვის პოლკის ინფორმაციით, რუსეთის შეიარაღებულმა ძალებმა ცეცხლის შეწყვეტის დროს ტანკსაწინააღმდეგო მართვადი იარაღიდან ესროლეს მანქანას, რომელიც მშვიდობიანი მოქალაქეების ევაკუაციის მიზნით აზოვსტალისკენ მიდიოდა.

შედეგად დაიღუპა 1 მებრძოლი და დაიჭრა 6.

„მტერი აგრძელებს ყველა შეთანხმების დარღვევას და არ იცავს მშვიდობიანი მოსახლეობის ევაკუაციის უსაფრთხოების გარანტიებს“, — ნათქვამია აზოვის ბატალიონის მიერ Twitter-ზე გავრცელებულ ინფორმაციაში.

‼️Наслідки обстрілу евакуаційного автомобіля (1)👇🏼 pic.twitter.com/0Qa98FKORb

— АЗОВ (@Polk_Azov) May 6, 2022

გაეროს გენერალური მდივნის, ანტონო გუტერეშის ინფორმაციით, გაეროს და წითელი ჯვრის საერთაშორისო კომიტეტის მიერ უზრუნველყოფილი ორი ჰუმანიტარული დერეფნით ქარხანა „აზოვსტალიდან“, მარიუპოლიდან და მიმდებარე რაიონებიდან წარმატებით ევაკუირებულია 500-მდე ადამიანი. ის იმედოვნებს, რომ ჰუმანიტარული პაუზა ევაკუაციისთვის გაგრძელდება.

In a joint @UN–@ICRC operation, 2 safe passage convoys successfully evacuated nearly 500 people from the Azovstal plant, Mariupol & surrounding areas.

I hope that continued coordination with Moscow & Kyiv will lead to more humanitarian pauses to allow civilians safe passage.

— António Guterres (@antonioguterres) May 5, 2022

„აზოვსტალი“ არის ერთადერთი გამაგრებული ტერიტორია მარიუპოლში, რომლის აღებაც თითქმის ორთვიანი ომის შედეგად ვერ შეძლო რუსულმა არმიამ. ომის დაწყების შემდეგ, მარიუპოლი რუსული ძალების ალყაში აღმოჩნდა

რუსეთისთვის მარიუპოლის დაკავებას სტრატეგიული მნიშვნელობა აქვს, რადგან ამის შემდეგ მიიღებს სახმელეთო გზას დონბასიდან ყირიმამდე და შეეძლება შეტევის ახალი მიმართულებებით გადატანის შესაძლებლობა. გამომდინარე აქედან, ქალაქი მნიშვნელოვანია უკრაინელებისთვისაც.