ბრიტანეთის შეიარაღებული ძალების მინისტრი ბაქიბუქს უწოდებს რუსეთის საგარეო საქმეთა მინისტრის განცხადებას უკრაინაში ატომური იარაღის შესაძლო გამოყენებაზე. ჯეიმს ჰიფის თქმით, ამჟამად ესკალაციის გარდაუვალი საფრთხე არ არსებობს.
მისი განცხადებით, ბაქიბუქი ლავროვის 15-წლიანი დიპლომატიური კარიერის სავიზიტო ბარათია და დახმარება, რომელსაც დასავლეთი უწევს უკრაინას, კარგად გათვლილია:
„კრემლის ნარატივში ჯდება განცხადება, თითქოს ისინი კონფრონტაციაში არიან NATO-სთან. ამას ომის დაწყებამდეც ამბობდნენ და შემდეგაც, თუმცა ლავროვმაც იცის, რომ ეს აბსურდია. ბილატერალურ კონტრიბუციებს დონორი ქვეყნები ახორციელებენ და დახმარება, რომელსაც უკრაინას უწევენ, NATO-ს საზღვრებსაც სცდება“, – ამბობს ბრიტანეთის თავდაცვის მინისტრი.
მანამდე რუსეთის საგარეო საქმეთა მინისტრმა სერგეი ლავროვმა განაცხადა, რომ მსოფლიომ არ უნდა დააკნინოს ბირთვული კონფლიქტის რისკი და NATO-ს მიერ უკრაინისთვის იარაღის გაგზავნა ნიშნავს, რომ დასავლეთის ქვეყნები რუსეთთან აწარმოებენ არაპირდაპირ ომს.
