საქართველოს მოსახლეობის უმეტესობა რუსეთთან სავიზო რეჟიმის დაწესებას უჭერს მხარს. ამის შესახებ საუბარია კვლევაში, რომელიც NDI-ის დაკვეთით ჩატარდა.
66% აცხადებს, რომ საქართველომ რუსეთის მოქალაქეებისათვის დაწესებული უვიზო რეჟიმი უნდა გააუქმოს, 23 პროცენტის ამას ეწინააღმდეგება, ხოლო 11% ამბობს, რომ არ აქვს პასუხი კითხვაზე. საქართველოს რუსეთის მოქალაქეებისათვის სავიზო რეჟიმი ცალმხრავად აქვს გაუქმებული, ანუ რუსეთის მოქალაქეებს საქართველოში შემოსასვლელად ვიზა არ სჭირდებათ, ხოლო საქართველოს მოქალაქეებს რუსეთში ჩასასვლელად ვიზა უნდათ.
NDI-ის თანახმად, უვიზო რეჟიმის შემოღებას ყველაზე მეტად “ოცნების” მხარდამჭერები, კაცები და უფროსი ასაკის მოქალაქეები არ უჭერენ მხარს.
ამასთან, კვლევის თანახმად, საქართველოს მოსახლეობა რუს ხალხს უფრო დადებითად აფასებს, ვიდრე რუსეთის მთავრობას.