თბილისში, ხის დაცემის შედეგად დაშავებული ქალი დაიღუპა. ინფორმაცია ამის შესახებ „ნეტგაზეთს“ კლინიკა „ოპტალ მედში“ დაუდასტურეს.
კლინიკაში განგვიცხადეს, რომ პაციენტი სასწრაფო დახმარების ბრიგადამ მათთან დღეს, 14:13 საათზე შეიყვანა. ქალს მრავლობითი დაზიანებები აღენიშნებოდა და კრიტიკულ მდგომარეობაში იყო:
„დაუყოვნებლივ დაიწყო გაიდლაინით განსაზღვრული სამედიცინო დახმარება, ჩატარდა მაღალტექნოლოგიური კვლევები. სამწუხაროდ, აღმოჩნდა სიცოცხლისთვის შეუთავსებელი მრავლობითი ტრავმა და 16:30 საათზე დაფიქსირდა ბიოლოგიური სიკვდილი“, – აცხადებენ კლინიკაში.