რუსული სახელმწიფო გამოცემა “სპუტნიკ ოსეტიას” ცნობით, უკრაინაში, დონეცკში ჰუმანიტარული ტვირთის ჩასატანად წასული სამხრეთ ოსეთისა და აფხაზეთის სახალხო არტისტი, ცხინვალის მკვიდრი 49 წლის რობერტ კულუმბეგოვი დაიღუპა.
გამოცემის ცნობითვე, აფეთქების დროს კულუმბეგოვთან ერთად რუსი და აფხაზი მოხალისეები დაიღუპნენ.
აფხაზეთიდან უკრაინაში წასული მოხალისე დაიღუპა | “სპუტნიკ-აფხაზია”
რუსეთი უკრაინაში 2022 წლის 24 თებერვალს შეიჭრა და მას შემდეგ განუწყვეტლივ ბომბავს როგორც სამხედრო ობიექტებს, ისე მშვიდობიან მოსახლეობას. შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონეცკისა და ლუგანსკის დამოუკიდებლობის აღიარება. ომის გამო უკრაინა დღემდე რამდენიმე მილიონმა მშვიდობიანმა მოქალაქემ დატოვა.
უკრაინის შეიარაღებული ძალების ინფორმაციით, რუსეთმა ამ დრომდე 2000 ათასი სამხედრო გაგზავნა აფხაზეთისა და სამხრეთ ოსეთის დე ფაქტო რესპუბლიკებიდან უკრაინაში. უკრაინული მხარის ცნობითვე, უკრაინაში საბრძოლველად გაემგზავრა 1200 [მათ შორის ოსი და რუსი] სამხრეთ ოსეთის მე-4 ბაზიდან, ხოლო აფხაზეთის მე-7 ბაზიდან- 800-მდე სამხედრო.