24 მარტს, გამთენიისას, უკრაინაში დაღუპული ორი ქართველი სამხედრო, გია ბერიაშვილი და დავით რატიანი, თბილისში ჩამოასვენეს.
თბილისის საერთაშორისო აეროპორტში ჯარისკაცების ცხედრებს, ოჯახის წევრებსა და მეგობრებთან ერთად, მოქალაქეებიც დახვდნენ.
იქვე იმყოფებოდნენ სხვადასხვა პარტიის წარმომადგენელი პოლიტიკოსები, ასევე, პრეზიდენტი სალომე ზურაბიშვილი.
აეროპორტიდან გია ბერიაშვილის ცხედარი თემქის სასაფლაოზე გადაასვენეს, დავით რატიანის ცხედარი კი ამ ეტაპზე სახლში გადაასვენეს.
უკრაინაში დაღუპულ მებრძოლებს საქართველოში სამხედრო პატივით დაკრძალავენ.
უკრაინაში დაღუპული მესამე ქართველი მებრძოლის, ბახვა ჩიქობავას ცხედარი ჯერჯერობით საქართველოში არ გადმოუსვენებიათ. იგი მარიუპოლში დაიღუპა, რომელიც ალყაშია.
