ახალი ამბები

კიდევ რამდენი ადამიანი უნდა მოკვდეს, სანამ ჩვენ შიშს დავძლევთ? – კინზინგერი

20 მარტი, 2022 • 2096
კიდევ რამდენი ადამიანი უნდა მოკვდეს, სანამ ჩვენ შიშს დავძლევთ? – კინზინგერი

რესპუბლიკელი კონგრესმენი ადამ კინზინგერი აცხადებს, რომ ნატო-მ რუსული თერმობარული იარაღი უნდა გაანადგუროს.

ამის შესახებ კინზინგერი ტვიტერზე წერს, სადა თერმობარული იარაღის გამოყენების ვიდეოს აზიარებს და ამბობს, რომ  რუსეთის ქმედებები ბარბაროსობაა და ამ იარაღის გამოყენების უბრალოდ ყურება სირცხვილია.

„კიდევ რამდენი ადამიანი უნდა მოკვდეს, ფილტვები აუფეთქდეს, სანამ ჩვენ შიშს დავძლევთ? ძველი თაობის ცივი ომის დროინდელი მოლაპარაკე თავები ცდებიან“, – წერს კინზინგერი.


რუსეთი უკრაინაში 24 თებერვალს, გამთენიისას შეიჭრა და მას შემდეგ განუწყვეტლივ ბომბავს როგორც სამხედრო ობიექტებს, ისე მშვიდობიან მოსახლეობას.

შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონეცკისა და ლუგანსკის დამოუკიდებლობის აღიარება.

გაეროს თანახმად, ომის დაწყებიდან დღემდე უკრაინიდან უკვე 3 მილიონამდე ლტოლვილი და 2 მილიონამდე დევნილი.

მასალების გადაბეჭდვის წესი