უკრაინაში, კიევის ოლქში, ირპენში ბრძოლებისას ორი ქართველი მოხალისე დაიღუპა.
ინფორმაციას ამის შესახებ ძალა ერთობაშიას“ ლიდერი დავით ქაცარავა მეუღლის მეშვეობით ავრცელებს.
„გუშინ ირპენში ბრძოლაში, სადაც ჩვენი დანაყოფი მონაწილეობდა, გავანადგურეთ „ორკების“ 3 ერთეული ჯავშანტექნიკა და შესაბამისი ცოცხალი ძალა. ოპერაციიდან გამოსვლისას ორკებმა ცეცხლი გაგვიხსნეს ნაღმტყორცნებიდან. ჩვენი ორი ძმა დაიღუპა, ქართველი მებრძოლები: დავით რატიანი და გია ბერიაშვილი . უფალმა დაუმკვიდროს ცათა სასუფეველი მათ სულებს“, — აცხადებს ქაცარავა.
შემთხვევა გუშინ, 17 მარტს მოხდა. საქართველოს საგარეო საქმეთა სამინისტროში “ნეტგაზეთს“ უთხრეს, რომ ამ დროისთვის საელჩოში საქართველოს 2 მოქალაქის გარდაცვალების შესახებ ინფორმაცია არ შესულა.