უკრაინაში ჩასულ უცხოელ მოხალისეებს უკრაინის მოქალაქეობის მიღება შეეძლებათ. ამის შესახებ გამოცემა UNIAN უკრაინის შინაგან საქმეთა მინისტრის მოადგილეზე, ევგენი ენინზე დაყრდნობით წერს.
ამჟამად არსებული რეგულაციებით, უცხოელი მოხალისეები იღებენ სამხედრო ბილეთს, რომელიც მათ ანიჭებთ ბინადრობის უფლებას.
„თუ ასეთი პირები, რომლებიც უცხოეთიდან არიან ჩამოსული, დაინტერესდებიან უკრაინის მოქალაქეობის მიღებით, ჩვენი კანონმდებლობა მათთვის ასეთ შესაძლებლობას ითვალისწინებს“, – ამბობს ენინი.
