Coca-Cola რუსეთში საქმიანობას წყვეტს. აღნიშნულის შესახებ კომპანიამ 8 მარტს განაცხადა.
სანამ ამ გადაწყვეტილებას მიიღებდა, მიმდინარე დღეებში ის მზარდი წნეხის ქვეშ იყო რუსეთში საქმიანობის გამო. “ტვიტერზე” პოპულარული იყო ჰეშთეგი “#BoycottCocaCola”(ბოიკოტი Coca-Cola-ს).
უკრაინის წინააღმდეგ სრულმასშტაბიანი ომის დაწყებისა და დასავლეთის მიერ სანქციების დაწესების შემდეგ, რუსეთის ბაზარი ათობით უცხოურმა დიდმა კომპანიამ დატოვა.
Coca-Cola-ს ზემოხსენებულ განცხადებამდე, McDonald’s-მა თქვა, რომ დროებით ხურავს ქვეყნის მასშტაბით მოქმედ 850 რესტორანს.
შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონბასის და ლუგანსკის დამოუკიდებლობის აღიარება.