The New York Times-ისა და CNN-ის ცნობით, კარაკასში მოლაპარაკებებზე უკვე იმყოფებოდნენ თეთრი სახლის ოფიციალური წარმომადგენლები.
თეთრმა სახლმა ვენესუელას სანქციები 2019 წელს დაუწესა, მას შემდეგ, რაც განაცხადა, რომ ნიკოლას მადურომ არჩევნები გააყალბა.
დღეს ასევე გავრცელდა ინფორმაცია, რომ უკრაინაში აგრესიის გამო აშშ და EU რუსეთიდან ნავთობის იმპორტზე შეზღუდვების დაწესებას აპირებენ და აქტიურად ეძებენ გზებს, თუ როგორ შეუძლიათ ამ ნავთობის ჩანაცვლება ამერიკულ და ევროპულ ბაზრებზე.
აშშ-ში ერთი გალონი [3.7 ლიტრი] ბენზინის ფასი, 6 მარტის მონაცემებით, $4.009 იყო, რაც 2008 წლის ივლისის შემდეგ ყველაზე მაღალი მაჩვენებელია. მომხმარებლები წინა კვირასთან შედარებით საშუალოდ 40 ცენტით მეტს იხდიან, გასულ თვესთან შედარებით კი ფასი 57 ცენტითაა გაძვირებული. რუსული ნავთობი აშშ-ის მოხმარების დაახლოებით 8%-ს იკავებს.
