დიზაინერ გიორგი მასხულიას თავს დაესხნენ. ამის შესახებ მასხულიამ ინფორმაცია თავად გაავრცელა.
როგორც ფეისბუკ ჩართვაში მასხულია ჰყვება, გუშინ ღამით თბილისში, ახვლედიანის ქუჩაზე მდებარე ერთ-ერთ კლუბში იმყოფებოდა, რა დროსაც 3 ადამიანი ფიზიკურად გაუსწორდა.
მასხულია პოლიციას უმოქმედობაში ადანაშაულებს და აცხადებს, რომ საავადმყოფოში გადაყვანაც დასჭირდა.
მომხდართან დაკავშირებით „ნეტგაზეთი” საქართველოს შინაგან საქმეთა სამინისტროს დაუკავშირდა. უწყებაში აცხადებენ, რომ გამოძიება საქართველოს სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
