ფეისბუკზე ვრცელდება ვიდეოები, სადაც ჩანს, თუ როგორ ძალადობენ მოქალაქეებზე თბილისში, მათ შორის, სავარაუდოდ, არიან არასრულწლოვანებიც.
აღნიშნულ ვიდეოებს ერთ-ერთი ფეისბუკ გვერდი ავრცელებს. ამ გვერდზე თავმოყრილია სხვადასხვა ქვეყანაში გადაღებული ვიდეოები, უმეტესობას ერთნაირი თემატიკა აქვს – თუ როგორ ძალადობენ სხვადასხვა დაჯგუფებები „ანტიფაშისტებზე“.
საქართველოდან ატვირთული ვიდეოს ავტორები თავს „სკინჰედებად“ და „ნეონაცისტებად“ მოიხსენიებენ. ერთ-ერთი ვიდეო დედაენის ბაღშია გადაღებული.
ნეტგაზეთს შინაგან საქმეთა სამინისტროში უთხრეს, რომ დაწყებულია გამოძიება. სხვა დეტალები ამ ეტაპზე უცნობია.
