CNN-ის ცნობით, აშშ-ის პრეზიდენტმა ჯო ბაიდენმა ოფიციალურად დაამტკიცა და პენტაგონი დღეს გამოაცხადებს გადაწყვეტილებას აღმოსავლეთ ევროპაში აშშ-ის დამატებითი სამხედრო ძალების განლაგების შესახებ.
ოფიციალური პირების თქმით, ეს ნაბიჯი არის მხარდაჭერის დემონსტრირება ნატოელი მოკავშირეების მიმართ, რომლებიც საფრთხეს გრძნობენ რუსეთის სამხედრო მოქმედებების გამო უკრაინის მახლობლად.
CNN-ის წყაროს ცნობით, აშშ დაახლოებით 2000 ამერიკელ ჯარისკაცს განაწესებს პოლონეთში, დამატებით კი, რამდენიმე ათასს ნატოს სამხრეთ-აღმოსავლეთ ქვეყნებში, მათ შორის რუმინეთში.
შეერთებულმა შტატებმა 8500 ჯარისკაცი მოიყვანა გაძლიერებულ მზადყოფნაში იმ შემთხვევაში, თუ ნატოს ძალებს მათი სასწრაფოდ გამოძახება დასჭრიდებათ.
