აშშ-ის აღმოსავლეთ სანაპიროს ზოგიერთ შტატში ძლიერი ქარისა და დიდთოვლობის გამო ტრანსპორტის მოძრაობა შეფერხდა, ათასობით ადამიანს კი ელექტროენერგიის მიწოდება შეუწყდა.
BBC-ის ინფორმაციით, შაბათს, ამინდის მკვეთრად გაუარესებამდე რამდენიმე საათით ადრე, ხუთ შტატში — ნიუ-იორკში, ნიუ-ჯერსიში, როდ-აილენდში, ვირჯინიასა და მერილენდში — საგანგებო მდგომარეობა გამოაცხადეს.
ნიუ-იორკის ცენტრალური პარკი. 29.01.22 ფოტო: EPA
ქალი და ბავშვი დათოვლილ მანჰეტენზე, ნიუ-იორკში. 29.01.22 ფოტო: EPA
კაცი ძაღლთან ერთად მასაჩუსეტსის ბოსტონის (მასაჩუსეტსის შტატი) ერთ-ერთ პარკში. 29.01.22 ფოტო: EPA
კაცი რძის კონტეინერებით დათოვლილ მანჰეტენზე, ნიუ-იორკში. 29.01.22 ფოტო: EPA
წყვილი ძაღლს ასეირნებს. ბოსტონი, მასაჩუსეტსის შტატი. 29.01.22 ფოტო: EPA
“თოვლის შტორმი” სანაპიროს შაბათს, გამთენიისას დაატყდა თავს. შესაბამისმა სამსახურებმა მილიონობით მოქალაქეს მოუწოდეს, კვირის ბოლომდე სახლებში დარჩენილიყვნენ.
სხვა შტატებთან ერთად, დიდთოვლობა და ძლიერი ქარი მკვეთრად აისახა ნიუ-იორკისა და მასაჩუსეტსის ყოველდღიურობაზე. მასაჩუსეტსის ზოგიერთ ნაწილში თოვლის საფარის სიმაღლემ 75 სმ-ს მიაღწია, ნიუ იორკში კი — 61 სმ-ს. გადაიდო ათასობით ავიარეისი.
კაცი თოვლის საწმენდი ნიჩბით ხელში. ბოსტონი, მასაჩუსეტსის შტატი. 29.01.22 ფოტო: EPA
ორი ადამიანი ხელჩაკიდებული სეირნობს ნიუ-იორკის ცენტრალურ პარკში. 29.01.22 ფოტო: EPA
ვარჯიში დათოვლილ პარკში. ნიუ-იორკი. 29.01.22 ფოტო: EPA
დათოვლილი გზის გაწმენდის მცდელობა. ქალაქი ჰარვიჩი (მასაჩუსეტსის შტატი). 29.01.22 ფოტო: EPA
კაცი, ძაღლთან ერთად, გზას მიიკვლევს ძლიერ ქარსა და თოვლში. ქალაქი ორლეანი (მასაჩუსეტსის შტატი). 29.01.22 ფოტო: EPA
მიუხედავად გაფრთხილებებისა, ზოგიერთმა მოქალაქემ სახლში დარჩენას თოვლით სიამოვნების მიღება ამჯობინა. ასე მოხდა, მაგალითად, ნიუ-იორკში, მანჰეტენზე, სადაც ადგილობრივებმა მასობრივი გუნდაობა მოაწყვეს.
30 იანვარს მეტეოროლოგიური პირობები გაუმჯობესდა, თუმცა სინოპტიკოსები მოსახლეობას აფრთხილებენ, რომ დაბალი ტემპერატურა ჩრდილო-აღმოსავლეთ რეგიონებში კვლავ შენარჩუნდება.
