ბიზნესმენმა და პოლიტიკური პარტია “აყვავებული სომხეთის” ლიდერმა გაგიკ წარუკიანმა საზოგადოებას საკუთარი ინიციატივა წარუდგინა – სომხეთში იესო ქრისტეს გიგანტური ქანდაკება დაიდგმება.
“ასე შევძლებთ, მთელ მსოფლიოს ვაჩვენოთ, რომ ვართ პირველი ქრისტიანული ერი დედამიწაზე. ეს ქანდაკება ჩვენი ქვეყნისა და ხალხის დამცველი უნდა გახდეს”, – ასე წარმოადგინა წარუკიანმა საკუთარი მეგაპროექტი, წერს azatutyun.am.
გამოცემის ცნობითვე, წარუკიანის ინიციატივით ქრისტეს ქანდაკება 33 მეტრი სიმაღლის იქნება [ქრისტეს ასაკის შესაბამისი], ხოლო პოსტამენტის სიმაღლე – 65 ან 77 მეტრი.
კონკრეტულად სად დაიდგმება ქანდაკება სომხეთში, ჯერ უცნობია. წარუკიანის ინიციატივაზე, ასევე, ოფიციალური გამოხმაურება ჯერ არ ჰქონია სომხეთის ეკლესიას.
