ახალი ამბები

სკოლების მასწავლებლებისა და პერსონალის 70% ვაქცინირებულია – ჩხენკელი

1 დეკემბერი, 2021 • 940
სკოლების მასწავლებლებისა და პერსონალის 70% ვაქცინირებულია – ჩხენკელი

განათლების მინისტრი მიხეილ ჩხენკელი აცხადებს, რომ სკოლების მასწავლებლებისა და ადმინისტრაციული პერსონალის 70% ვაქცინირებულია. ამის შესახებ მან დღეს, პირველ დეკემბერს, პარლამენტში მოსმენისას განაცხადა.

„საჯარო და კერძო სკოლების მასწავლებლებისა და ადმინისტრაციული პერსონალის ვაქცინირებულთა მაჩვენებელი 9%-დან 70%-მდე გაიზარდა და ზრდას ყოველდღიურად განაგრძობს. სკოლებში უსაფრთხო გარემოს უზრუნველყოფის მიზნით, აქტიურად მიმდინარეობს Covid-19-ზე მასწავლებლებისა და ადმინისტრაციული პერსონალის ტესტირება.

ახალი რეგულაციის მიხედვით, 2 დოზით ვაქცინირებული სკოლის პერსონალი ყოველ 14 დღეში ერთხელ PCR მეთოდით იტესტება, ხოლო არასრულად ვაქცინირებული ან აუცრელი პირები – ყოველ 7 დღეში ერთხელ ანტიგენის სწრაფი ტესტით. აღნიშნულ პროცესს სახელმწიფო სრულად უზრუნველყოფს“, – განაცხადა ჩხენკელმა.

მასალების გადაბეჭდვის წესი