ახალი ამბები

შიმშილობის შეწყვეტის შემდეგ ხოშტარია რეაბილიტაციისთვის კლინიკაში გადაჰყავთ

19 ნოემბერი, 2021 • 897
შიმშილობის შეწყვეტის შემდეგ ხოშტარია რეაბილიტაციისთვის კლინიკაში გადაჰყავთ

შიმშილობის შეწყვეტის შემდეგ, პარლამენტარი ელენე ხოშტარია სასწრაფო სამედიცინო დახმარების ეკიპაჟს კლინიკა „ნიუ ჰოსპიტალსში“ გადაჰყავს.

პოლიტიკური პარტია „დროას“ ლიდერმა ელენე ხოშტარიამ შიმშილობა მას შემდეგ შეწყვიტა, რაც ხელისუფლებამ მოშიმშილე მიხეილ სააკაშვილს გორის სამხედრო ჰოსპიტალში შესთავაზა სამკურნალოდ გადაყვანა.

„მე, რა თქმა უნდა, შიმშილობის დაწყებამდე მქონდა კონსულტაციები, თუ რა შეიძლება ყოფილიყო აქედან გამოსავალი. ეს ჩემი პოზიცია იყო დაფუძნებული ექსპერტებთან, ჩემს კოლეგებთან საუბარზე.

გორის კლინიკაში უსაფრთხოდ გადაყვანა არის ამ ვითარებაში გამოსავალი მიხეილ სააკაშვილის უსაფრთხოების .

ეს არის საფუძველი ჩემი შიმშილობის შეწყვეტის“, — განაცხადა ელენე ხოშტარიამ.

ელენე ხოშტარია 17 დღე შიმშილობდა პარლამენტში მიხეილ სააკაშვილის სამოქალაქო საავადმყოფოში გადაყვანის მოთხოვნით. მან დღეს განაცხადა, რომ კრიტიკული მაჩვენებლების წინააღმდეგ მედიკამენტოზურ მკურნალობას წყვეტდა.

რაც შეეხება საქართველოს ყოფილ პრეზიდენტს, მიხეილ სააკაშვილი 50-ე დღეა შიმშილობს. ის ამბობს, რომ შეწყვეტს შიმშილობას სამოქალაქო საავადმყოფოში გადაყვანის შემთხვევაში. ჯერჯერობით უცნობია მისი პოზიცია გორის ჰოსპიტალში გადაყვანასთან დაკავშირებით.

სახალხო დამცველის ინციიატივით შექმნილმა დამოუკიდებელ ექიმთა ჯგუფმა ისევე, როგორც მთავრობის მიერ შექმნილმა და ალტერნატიულმა კონსილიუმებმა, მიხეილ სააკაშვილის მულტიფუნქციურ კლინიკაში გადაყვანის რეკომენდაცია გასცეს, რასაც მთავრობა ამ დრომდე არ ასრულებდა.

პენიტენციური სამსახური, უსაფრთხოების ზომებიდან და ჯანმრთელობის გაუარესების საფრთხის მოტივით, უარს აცხადებს სააკაშვილის მიყვანაზე სასამართლო პროცესებზე, სადაც ექსპრეზიდენტის საქმეები განიხილება.

მასალების გადაბეჭდვის წესი