„ნაციონალური მოძრაობის“ თავმჯდომარე ნიკა მელია აცხადებს, რომ პარასკევს, 19 ნოემბერს, თბილისში სამ ადგილას მსვლელობა უქმდება და გაიმართება ერთობლივი აქცია სამ საათზე რესპუბლიკის მოედანზე.
„საჭიროა სრული მობილიზაცია და სრული ერთობა“, – განაცხადა ნიკა მელიამ.
„ხვალისთვის დაგეგმილ სამ ლოკაციაზე დაგეგმილ მსვლელობას ვაუქმებთ და ხვალ ყველანი … ვიკრიბებით სამ საათზე რესპუბლიკის მოედაზე“, – განაცხადა მან.
მისი თქმით, კონკრეტულ გეგმას ხვალ გააცნობენ საზოგადოებას.
„ჩაიცვით თბილად“, – მოუწოდა მელიამ მხარდამჭერებს.
ადვოკატების თანახმად, 18 ნოემბერს, ხუთშაბათ საღამოს, მათი ვიზიტისას, მიხეილ სააკაშვილი წაიქცა, გონება დაკარგა და ის საკაცით აიყვანეს რეანიმაციაში.
ნიკა გვარამიას თქმით, ამჟამად ის კონტაქტურია და უკეთაა.