21 ოქტომბრის ოფიციალური მონაცემებით, გასული 24 საათის განმავლობაში საქართველოში გამოვლინდა კორონავირუსით ინფიცირების 4 411 ახალი შემთხვევა, ვირუსს დამატებით ემსხვერპლა 29 ადამიანი. პანდემიის გავრცელებიდან დღემდე ვირუსით, ჯამში, 9 617 პირი გარდაიცვალა.

ბოლო 24 საათში ქვეყნის მასშტაბით ჩატარდა 53 700 კვლევა ტესტით, მათ შორის, 33 678 კვლევა ანტიგენის ტესტით და 20 022- PCR ტესტით.

რაც შეეხება დადებითობის მაჩვენებელს, გასულ დღე-ღამეში დადებითობის დღიური მაჩვენებელი 8.21% იყო, ბოლო 14 დღის განმავლობაში — 8.83% ხოლო 7 დღის განმავლობაში — 9.05%.

დღეს ქვეყანაში გამოვლენილი ინფიცირების 4 411 ახალი შემთხვევიდან:

• თბილისში გამოვლენილია 1 456 შემთხვევა;
• აჭარა — 111;
• იმერეთი — 827;
• ქვემო ქართლი — 293;
• შიდა ქართლი — 347;
• გურია — 93;
• სამეგრელო-ზემო სვანეთი — 348;
• კახეთი — 696;
• მცხეთა-მთიანეთი — 104;
• სამცხე-ჯავახეთი — 88;
• რაჭა-ლეჩხუმი და ქვემო სვანეთი — 48.

ამ ეტაპზე ინფიცირების მიმდინარე აქტიური შემთხვევაა 48 358, საიდანაც 5 725 ადამიანი მკურნალობს საავადმყოფოში. მამთგან მძიმე პაციენტია 1 367 პირი, მათ შორის, ხელოვნური სუნთქვის აპარატზე კი იმყოფება 289 ადამიანი.