ცენტრალური საარჩევნო კომისია ამ წუთებში თბილისში ადგილობრივი არჩევნების პირველი ტურის შემაჯამებელ სხდომას მართავს.
რამდენიმე საათით ადრე ადმინისტრაციამ განაცხადა, რომ პირველი ტურის საბოლოო შედეგებით, მეორე ტურები 20 ქალაქსა და 42 მაჟორიტარულ ოლქში გაიმართება.
ცესკომ 16 ოქტომბერს გამოაცხადა, რომ საოლქო საარჩევნო კომისიებმა 2 ოქტომბრის არჩევნები კანონიერ ძალაში შესული საუბნო საარჩევნო კომისიების შემაჯამებელი ოქმების და ყველა ინსტანციის სასამართლოს გადაწყვეტილების გათვალისწინებით შეაჯამეს.
დღესვე, ამავე სხდომაზე, ცესკო მიიღებს ცესკო გადაწყვეტილებას არჩევნების მეორე ტურის 30 ოქტომბერს დანიშვნის თაობაზე.
