თბილისის მერობის კანდიდატი ანა დოლიძე კონკურენტ გიორგი გახარიას სთავაზობს დაიცვას მისი უფლებები სასამართლოში, თუკი ეს უკანასკნელი გადაწყვეტს უჩივლოს ირაკლი კობახიძეს, რომელიც მას ნარკოტიკის მოხმარებაში ადანაშაულებს.
ანა დოლიძის განცხადებით, მისთვის სრულიად მიუღებელია ნარკოდამოკიდებულების თემით მანიპულირება, რადგან ეს ნარკომომხმარებლების კიდევ უფრო მეტ სტიგმატზაციას იწვევს.
“მიუხედავად იმისა, რომ ბევრ საკითხთთან დაკავშირებით მაქვს მკვეთრი წინააღმდეგობა გიორგი გახარიასთან, როგორც ამ საქმეში გამოცდილი საერთაშორისო დონის იურისტი, მზად ვარ მხარდაჭერა გამოვუცხადო მას, უტიფარ ირაკლი კობახიძის წინააღმდეგ”, – აცხადებს დოლიძე.
დოლიძის თქმით, ის მზადაა გიორგი გახარიას ინტერესები წარადგინოს თბილისის სასამართლოში და სტრასბურგში ცილისწამების საქმეებზე.
“ნარკომანი; კოკაინშიკი” – ცხოვრების ჯანსაღი წესის პოპულარიზაცია თუ სტიგმის გაძლიერება
