ახალი ამბები |

პოლიცია ეძებს ახალგაზრდა კაცს, რომლის კვალიც “ლისის ტბის ტერიტორიაზე დაიკარგა”

2 სექტემბერი, 2021 | | 1055
პოლიცია ეძებს ახალგაზრდა კაცს, რომლის კვალიც “ლისის ტბის ტერიტორიაზე დაიკარგა”

განახლება[03.09.21; 10:51] დის ინფორმაციით, გიორგი ჭოლოკავა იპოვეს. “ჯანმრთელად არის. ძალიან დიდი მადლობა ყველას დახმარებისთვის და გვერდში დგომისთვის!” — წერს ის სოციალურ ქსელში. 

პოლიცია ეძებს ახალგაზრდა კაცს, გიორგი ჭოლოკავას, რომლის კვალიც, მისი მეგობრის თანახმად, ლისის ტბის ტერიტორიაზე დაიკარგა.

დაკარგულის მეგობარმა დახმარება სოციალურ ქსელში 2 სექტემბერს ითხოვა. ეკატერინე ჯმუხაძის თქმით, გიორგი ჭოლოკავა სახლიდან “სამშაბათს, შუადღის 3 საათზე გავიდა”.

“კვალი იკარგება ლისის ტბის ტერიტორიაზე, წოდორეთის მიმართულებით, მოძრაობდა მოტოთი, ვისაც გეცნობათ, ან შეგინიშნავთ, გთხოვთ, მოგვწეროთ”, — აღნიშნავს ეკატერინე ჯმუხაძე.

დღესვე სოციალურ ქსელში დახმარება ითხოვა გიორგი ჭოლოკავას დამ, რომელიც მოქალაქეებს სთხოვს, თუ მის ძმას შენიშნავენ, დარეკონ შემდეგ ნომერზე: 557 63 10 42


როგორც “ნეტგაზეთს” შსს-ში განუცხადეს, ახალგაზრდა კაცის “სამძებრო სამუშაოები აქტიურად მიმდინარეობს”, გამოძიება კი დაიწყო სსკ-ის 143-ე მუხლით, რაც თავისუფლების უკანონო აღკვეთას გულისხმობს.

მსგავს შემთხვევებში, როდესაც დაკარგულ ადამიანს რამდენიმე  დღის მანძილზე ვერ პოულობენ, გამოძიება, როგორც წესი, აღნიშნული მუხლით იწყება.

მასალების გადაბეჭდვის წესი