ახალი ამბები

“ევაკუაცია მშვიდობიანად უნდა წარიმართოს” — ზურაბიშვილი ქაბულის ტერაქტს გმობს

27 აგვისტო, 2021 • 354
“ევაკუაცია მშვიდობიანად უნდა წარიმართოს” — ზურაბიშვილი ქაბულის ტერაქტს გმობს

საქართველოს პრეზიდენტი სალომე ზურაბიშვილი აცხადებს, რომ მკაცრად გმობს ქაბულში მომხდარ ტერაქტს და მწუხარებას გამოთქვამს ავღანელი სამოქალაქო პირებისა და აშშ-ის სამხედროების დაღუპვის გამო.

“ევაკუაციის პროცესი მშვიდობიანად უნდა წარიმართოს. საქართველო გააგრძელებს მხარდაჭერას მათ მიმართ, ვინც ევაკუაციის პროცესს ახორციელებს და ძალადობის წინააღმდეგ სოლიდარობას გამოხატავს”, — ნათქვამია პრეზიდენტის Twitter-ზე გამოქვეყნებულ განცხადებაში.

ქაბულის აეროპორტში 26 აგვისტოს განხორციელებულ ტერორისტულ აქტზე პასუხისმგებლობა ISIS-K-მ (“ისლამური სახელმწიფო — ხორასნის პროვინცია”) აიღო — ეს არის ტერორისტულ ორგანიზაცია “ისლამურ სახელმწიფოსთან” აფილირებული დაჯგუფება, რომელიც ავღანეთში მოქმედებს. თავდასხმას 85 ადამიანი ემსხვერპლა, მათ შორის, 72 ავღანელი და 12 ამერიკელი სამხედრო.

 

მასალების გადაბეჭდვის წესი