დიღმის საველე ჰოსპიტალმა პირველი პაციენტები მიიღო. ინფორმაციას ამის შესახებ ადასტურებს ჯანდაცვის მინისტრის მოადგილე, თამარ გაბუნია.
„გუშინ საღამოს დადგა იმის აუცილებლობა, რომ საველე ჰოსპიტლის ოპერირება დაგვეწყო. 9 პაციენტი განთავსდა, მათი მდგომარეობა არის საშუალო სიმძიმის და ჰოსპიტალი სრული დატვირთვით დღეიდან შეუდგება ფუნქციონირებას“, – აცხადებს ის.
მისივე განმარტებით, საველე ჰოსპიტალი დროებითი დაყოვნებისთვის მოეწყო.
„ამ შემთხვევაში ჩვენთვის მნიშვნელოვანია, რომ მოხდეს დროული სტაბილიზაცია და შემდეგ მისი გადამისამართება სიმძიმიდან გამომდინარე. ვფიქრობთ, 2-3 დღეზე მეტი არ მოხდება საველე ჰოსპიტალში პაციენტის დაყოვნება“, – აცხადებს თამარ გაბუნია და ამატებს, რომ ჰოსპიტალური სექტორი მაქსიმალურად დატვირთულია და პაციენტების მიღება ძირითადად მას შემდეგ ხდება, რაც ამა თუ იმ კლინიკაში ადგილი თავისუფლდება.
თბილისში, დიღმის ოლიმპიური სოფლის ერთ-ერთ სპორტდარბაზში, საველე ჰოსპიტალი ჯანდაცვის სამინისტრომ რამდენიმე დღის წინ გახსნა. ჯამში, მას 500-მდე პაციენტის მიღება შეეძლება.
“დიღმის საველე ჰოსპიტალი 500-მდე პაციენტს მოემსხურება” — ტიკარაძე
