ევროპარლამენტის პრეზიდენტი დავიდ სასოლი აცხადებს, რომ მათ, ვისაც ავღანეთში დევნის საფრთხე ემუქრებათ, თავშესაფარი უნდა მიეცეთ.

მისი თქმით, ავღანეთში შექმნილი ვითარება ევროკავშირისგან ერთიან რეაგირებას მოითხოვს.

“ქვეყანას სჭირდება გრძელვადიანი და ინკლუზიური პოლიტიკური გადაწყვეტილება, რომელიც იცავს ქალთა უფლებებს და ავღანელებს საშუალებას მისცემს იცხოვრონ უსაფრთხოდ და ღირსეულად. თავშესაფარი უნდა მიეცეს მათ, ვისაც დევნის საფრთხე ემუქრება”, — დაწერა სასოლიმ ტვიტერზე.

The situation unfolding in #Afghanistan requires a united EU response.

The country needs a lasting and inclusive political solution that protects the rights of women and allows Afghans to live in safety and with dignity.

Asylum must be granted to those in danger of persecution.

— David Sassoli (@EP_President) August 16, 2021

ამასთან, ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჟოზეფ ბორელმა განაცხადა, რომ ხვალ, 17 აგვისტოს, ევროკავშირის წევრი სახელმწიფოების საგარეო საქმეთა მინისტრების სპეციალურ ვიდეოკონფერენცია გაიმართება, სადაც ავღანეთის საკითხზე იმსჯელებენ.

მისი თქმით, ავღანეთი გზაჯვარედინზე დგას და საფრთხე ემუქრება როგორც მისი მოქალაქეების უსაფრთხოებასა და კეთილდღეობას, ასევე, საერთაშორისო უსაფრთხოებას.

Following latest developments in #Afghanistan, and after intense contacts with partners in the past days and hours, I decided to convene an extraordinary VTC of EU Foreign Ministers #FAC tomorrow afternoon for a first assessment.

— Josep Borrell Fontelles (@JosepBorrellF) August 16, 2021

15 აგვისტოს თალიბანის მებძოლებმა  ქაბულზე კონტროლი მოიპოვეს. მანამდე ქვეყნის პრეზიდენტმა, აშრაფ ღანიმ ქვეყანა დატოვა და მეზობელ ტაჯიკეთში თვითმფრინავით გაემგზავრა.

ქაბულზე კონტროლის მოპოვების შემდეგ, “თალიბანმა” 20-წლიანი ომი დასრულებულად გამოაცხადა.

ამ დროისთვის ქაბულის აეროპორტი არის ერთადერთი ადგილი ქვეყანაში, რომელსაც “თალიბანი” ვერ აკონტროლებს.