მეცნიერი და კინომცოდნე არჩილ შუბაშვილი 69 წლის ასაკში გარდაიცვალა. ინფორმაციას ეროვნული კინოცენტრი ავრცელებს.
შუბაშვილი წლების მანძილზე ეწეოდა სამეცნიერო და პედაგოგიურ მოღვაწეობას, იბეჭდებოდა არაერთ გამოცემაში და იყო საქართველოს კინემატოგრაფისტთა შემოქმედებითი კავშირის მდივანი.
როგორც კინოცენტრი წერს, არჩილ შუბაშვილის ორგანიზებით, სხვადასხვა წლებში ქართული კინოს დღეები ჩატარდა თურქეთსა და დანიაში, მისი თანაავტორობით გამოიცა „ქართული მხატვრული კინოს ფილმოგრაფია“, მუშაობდა საზოგადოებრივი მაუწყებლის დოკუმენტური ფილმების სტუდიის კონსულტანტად და სცენარისტად.
არჩილ შუბაშვილი აქტიურად თანამშრომლობდა ეროვნულ კინოცენტრთან და არაერთხელ იყო კინოცენტრის კონკურსების საექსპერტო კომისიის წევრი.