ნეტგაზეთი | აშშ: საქართველო, უკრაინა და კოსოვო პირველი 3 ევროპული ქვეყანაა, რომელთაც კორონავირუსის ვაქცინას გადავცემთ აშშ: საქართველო, უკრაინა და კოსოვო პირველი 3 ევროპული ქვეყანაა, რომელთაც კორონავირუსის ვაქცინას გადავცემთ – Netgazeti
RU | GE  

აშშ: საქართველო, უკრაინა და კოსოვო პირველი 3 ევროპული ქვეყანაა, რომელთაც კორონავირუსის ვაქცინას გადავცემთ

ამერიკის შეერთებული შტატების პრეზიდენტის, ჯო ბაიდენის განცხადებით, საქართველო, უკრაინა და კოსოვო პირველი სამი ევროპული ქვეყანა იქნება, რომელიც კორონავირუსის საწინააღმდეგო ვაქცინას აშშ-სგან მიიღებს. ამის შესახებ ინფორმაციას საქართველოში აშშ-ის საელჩო ავრცელებს.

როგორც საელჩოს განცხადებაშია აღნიშნული, შეერთებული შტატებს სურს, რომ საქართველოს დაეხმაროს ეკონომიკის აღდგენის პროცესში.

იმის შესახებ, რომ საქართველო აშშ-სგან ვაქცინებს მიიღებდა, სენატორმა ჯინ შაჰინმა თბილისში ვიზიტისას, 3 ივნისს ისაუბრა. მისი განცხადებით, თეთრმა სახლმა დაადასტურა, რომ საქართველოს ვაქცინებს გამოუყოფს.

დღეს, 7 ივნისს საქართველოსთვის ვაქცინების გადაცემასთან დაკავშირებით განცხადება გააკეთა ლატვიის საგარეო საქმეთა მინისტრმა, ედგარს რინკევიჩსმაც. მისი თქმით, ლატვია საქართველოს 15 ათას დოზა კოვიდსაწინააღმდეგო ვაქცინას გადმოსცემს.

7 ივნისს, დღის პირველ ნახევარში, დაავადებათა კონტროლის ეროვნული ცენტრის მიერ გამოქვეყნებული მონაცემების თანახმად საქართველოში ამ დროისთვის 173 345 აცრა ჩატარდა, მათ შორის სრულად 47 749 ადამიანია აცრილი.

ნეტგაზეთის მასალების სხვა გამოცემებში გადაბეჭდვის წესი
ავტორი