ნეტგაზეთი | კაცმა 5 წლის ბავშვზე სექსუალურად იძალადა, მას 15 წელი მიუსაჯეს კაცმა 5 წლის ბავშვზე სექსუალურად იძალადა, მას 15 წელი მიუსაჯეს – Netgazeti
RU | GE  

კაცმა 5 წლის ბავშვზე სექსუალურად იძალადა, მას 15 წელი მიუსაჯეს

პროკურატურის ინფორმაციით, კაცს, რომელსაც ბავშვზე სექსუალური ძალადობა ედება ბრალად, 15-წლიანი პატიმრობა მიესაჯა.

როგორც უწყება წერს, ჩატარებული გამოძიების შედეგად დადგინდა, რომ პირმა ისარგებლა 5 წლის ბავშვის ასაკობრივი უმწეობით და მის მიმართ სექსუალური ხასიათის ქმედება ჩაიდაინა.

„სამართალდამცველებმა ს.ა. 2021 წლის 9 იანვარს დააკავეს. მას ბრალდება საქართველოს სისხლის სამართლის კოდექსის 138-ე მუხლის მე-4 ნაწილის “ა” ქვეპუნქტით  (სექსუალური ხასიათის სხვაგვარი ქმედება, რომელიც არ შეიცავს საქართველოს სისხლის სამართლის კოდექსის 137-ე მუხლით გათვალისწინებული დანაშაულის ნიშნებს, ჩადენილი დაზარალებულის უმწეობის გამოყენებით, დამნაშავისთვის წინასწარი შეცნობით თოთხმეტი წლის ასაკს მიუღწეველი პირის მიმართ) წარედგინა და აღკვეთის ღონისძიების სახით პატიმრობა შეეფარდა“, – ამბობს უწყება.

ბოლნისის რაიონულმა სასამართლომ ბრალდებული სრულად დამნაშავედ ცნო წარდგენილ ბრალდებაში და სასჯელის სახით 15 წლით თავისუფლების აღკვეთა განუსაზღვრა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან