საქართველოში გერმანიის საელჩოს ცნობით, საელჩომ სამედიცინო დაწესებულებებს სოხუმსა და გუდაუთაში გადასცა დაახლოებით 46 ათასი ევროს ღირებულების გენერატორი, ჟანგბადის კონცენტრატორები, ულტრაიისფერი ნათურები, პულსოქსიმეტრები, სწრაფი ტესტები, დამცავი ნიღბები და სადეზინფექციო საშუალებები.
აღნიშნული დახმარება საელჩომ აფხაზეთს კოვიდ-19-თან ბრძოლისათვის გადასცა, რათა, როგორც საელჩოს მიერ გავრცელებულ ინფორმაციაშია ნათქვამი, გაუმჯობესდეს აფხაზეთში დიაგნოზის დასმის შესაძლებლობები, მკურნალობა და სამედიცინო პერსონალის დაცვა.
